Media & news Te hunga pāpāho me ngā rongo kōrero

Hei te Pēpuere tīmata ai tētehi arotake o ngā rohenga o ngā rohe pōti mō te Pōtitanga ā-Motu 2026.

Ka whakatūria e Te Kōmihana Whakatau Rohe Pōti, arā, te rōpū motuhake e arotake ana, e whakahou ana i ngā rohenga me ngā ingoa o ngā rohe pōti Pāremata i muri i ngā tatauranga taupori.  

Ko te mahi a te Kōmihana he whakarite i ngā rohe pōti kia āhua rite te tokomaha tāngata e noho ana ki tēnā rohe, ki tēnā rohe, e taurite ai te whakakanohitanga i roto Pāremata. I roto i te arotakenga o ngā rohenga, ka whakaarohia ngā rohenga o nāianei, ngā hapori whai pānga, me ngā hononga ā-iwi i roto i ngā rohe pōti Māori.

I tētehi hui i Pōneke i inanahi, i kopou ngā mema o te Kōmihana i a Kaiwhakawā Kōti ā-Rohe Kevin Kelly hei Heamana, ā, i whakaū hoki rātau i te wātaka mō te arotakenga, e ono marama te roa.

Ka pānuihia ngā rohenga hou kua marohitia ā te mutunga o tērā Māehe hei wānanga mā te motu. Ka whakaaroarohia ngā tāpaenga katoa e Te Kōmihana Whakatau Rohe Pōti, kātahi ka whakaputaina ā rātau whakataunga mō ngā rohenga ā te Ākuhata.

Ngā mema o Te Kōmihana Whakatau Rohe Pōti

Kei roto i Te Kōmihana Whakatau Rohe Pōti he kaimahi kāwanatanga, he tāngata kua kopoua e te kāwanatanga me te Āpitihana, me tētehi Kaiwhakawā hei heamana.

Ko ngā mema o Te Kōmihana Whakatau Rohe Pōti:

• Heamana, Judge Kevin Kelly
• Toitū Te Whenua, Surveyor-General, Anselm Haanen
• Tatauranga Aotearoa, Chief Methodologist, Vince Galvin
• Te Kaitiaki Take Kōwhiri, Amokapua, Karl Le Quesne
• Mana Kāwanatanga ā-Rohe, Heamana, Brendan J Duffy ONZM
• He māngai mō te kāwanatanga, Hon Roger Sowry ONZM
• He māngai mō te Āpitihana, Hon Andrew Little

Ina whakaarohia ngā rohenga o ngā rohe pōti Māori, ka whai wāhi hoki ēnei mema:

• Te Puni Kōkiri, Hēkeretari Tuarua, Grace Smit
• He māngai Māori mō te kāwanatanga, Rev Dr Steven Elers
• He māngai Māori mō te Āpitihana, Professor Meihana Durie

Te wātaka mō te arotake rohenga o 2025

Te 10 o Pēpuere: Ka hui Te Kōmihana Whakatau Rohe Pōti ki te whakatau i ngā marohi mō ngā rohenga
Te 24 o Māehe: Ka puta te pānui mō ngā rohenga kua marohitia, hei wānanga mā te motu
Te 24 o Māehe ki te 27 o Āperira: Ka āhei te marea o Aotearoa ki te whakahē i ngā rohenga kua marohitia
Te 8 ke ti 21 o Mei: Ka āhei te marea o Aotearoa ki te tohe i aua whakahē  
Te 9 ki te 18 Hune: Ka noho te Kōmihana ki te rongo ki ngā kōrero ā-waha a te marea mō ngā rohenga me ngā ingoa kua marohitia
Te 8 o Ākuhata: Ka puta te pānui mō ngā rohenga kua whakatauria
Te Pōtitanga ā-Motu 2026: Kua mana ngā rohenga hou mō ngā rohe pōti  

He pātai auau mō te arotake o ngā rohenga

Mā wai ngā rohenga o ngā rohe pōti e arotake?
Ko Te Kōmihana Whakatau Rohe Pōti te rōpū motuhake e arotake ana, e whakahou ana i ngā rohenga o ngā rohe pōti Pāremata. He kōrero nō kei konei:  vote.nz/boundary-review

Ka tautokona Te Kōmihana Whakatau Rohe Pōti e Te Kaitiaki Take Kōwhiri, e Toitū Te Whenua me Tatauranga Aotearoa i te taha whakahaere me te taha ki ngā taipitopito tukanga.  

E hia ngā rohe pōti mō te pōtitanga o 2026?
I whakaputa a Tatauranga Aotearoa i te maha o ngā rohe pōti mō te Pōtitanga ā-Motu 2026 me te taupori o ia rohe pōti i te 23 o Oketopa 2024. Read Stats NZ’s media release

Kua toka ā-ture te maha o ngā rohe pōti i Te Waipounamu kia 16. Nā ngā huringa taupori, ka heke ngā rohe pōti o Te Ika-a-Māui i te 49 ki te 48. Ka whitu tonu ngā rohe pōti Māori.