Media & news Te hunga pāpāho me ngā rongo kōrero

Back to all media & news

Kua whakatauhia ngā ingoa rohe pōti me ngā rohenga

Apr 17, 2020 | Media release

Kua whakatauhia ngā ingoa me ngā rohenga o ngā rohe pōti mō ngā pōtitanga whānui e rua e heke mai nei.

Kua tukua e te Komihana Whakatau Rohe Pōti tana pūrongo whakamutunga e pā ana ki te arotakenga rohenga pōti i tīmata i te Whiringa-ā-nuku e ono marama ki mua. I tukua i te Whiringa-ā-rangi ngā rohenga pōti i marohitia kia wānangahia e te marea. 438 ngā tāpaetanga ā-tuhi i tae mai, ā, i tū ngā hui tūmatanui i te Huitanguru.

“Ina ka taea, kua ū mātau ki ngā rohenga o ngā rohe pōti, ā, kāore i whakarerekēhia ngā rohe pōti e 36. Kua āhua hurihia ngā rohenga o ngā rohe pōti whānui e 30 me ngā rohe pōti Māori e 5“, e ai ki a Kaiwhakawā Craig Thompson, Heamana o te Komihana Whakatau Rohe Pōti.

Kua piki te maha o ngā rohe pōti i te rohe o Tāmaki Makaurau mai i te 24 ki te 25. Kei Tāmaki ki te tonga te rohe pōti hou, ā, whai muri i ngā hui i te taha o te marea, i tapaina ko Takanini. E 72 te tapeke rohe pōti - e 65 ngā rohe pōti whānui, e 7 ngā rohe pōti Māori.

Ko ngā rohe i nui rawa atu ngā rerekētanga, ko Tāmaki Makaurau, ko Waikato, ko Ōtautahi, ko Ōtākou me Murihiku.

“Kua hurihia ngā ingoa o ngā rohe pōti 11. E ai ki a Kaiwhakawā Thompson, “I marohitia ngā ingoa e mātau, i puta rānei i ngā tāpaetanga a te marea kia mārama ake ai ngā rohe pōti i hurihia.”

“Nā te mea kua whakatauhia ngā rohenga me ngā ingoa, e akiaki ana mātau kia toro atu te iwi ki www.vote.nz kia mohio ai kei tēhea rohe pōti rātau.“

Kitea ai ngā rohe pōti kua ū mā te mahere pāhekoheko i www.vote.nz. Ka taea te tikiake ngā mahere rohe pōti me te Pūrongo a te Komihana Whakatau Rohe Pōti mai i te pae tukutuku.

Back to top