Kua reri ki te pōti i te tau 2014? Tirohia tō pouakamēra kia mōhio
Ka tīmata tētahi o ngā mahi tuku mēra tino nui rawa o te tau 2014 i tēnei rā, i te uakanga a Te Kaitiaki Take Kōwhiri i tōna whakamataaratangahei whakarite kia reri ngā tāngata katoa o Aotearoa e āhei ana ki te whai wāhi ki te Pōtitanga Whānui 2014 ka tū i te 20 o Mahuru.
“Ka tukuna atu he mōkihi whakahōu rēhita neke atu i te toru miriona ki ngā kaipōti rēhita i tēnei wiki,” hei tā Murray Wicks, Kaiwhakahaere ā-Motu o ngā Ratonga Rēhita. He mea waiwai te rēhita tika kia āhei ai te tangata ki te pōti i te pōtitanga whānui, nā reira tirohia tō pouakamēra i tēnei wiki mō tō mōkihi.”
“Hei whai wāhitanga tēnei mōu ki te whakarite he tōtika ō taipitopito me te hōu tonu, ki te panoni rānei i aua taipitopito. E tono ana mātou kia huakina e te katoa tā rātou mōkihi hei whakarite he tōtika ō rātou taipitopito, ā, ki te kore me whakakī i te puka, ka whakahoki mai mā te mēra.”
Nā te mea e toru marama noa iho e toe ana taea noatia te rā pōtitanga, kei te hiahia Te Kaitiaki Take Kōwhiri ki te whakarite kia kaua e hapa i te tangata tōna mana ki te pōti.
“Me whakarite kia tika ināianei ō taipitopito – ko te mutunga iho ka tukuna he mōhiohio anō ki a koe i te wā tata ake ki te rā pōtitanga, ā, ka māmā ake tō pōtitanga ā te rā,” hei tā Murray Wicks.
Me whakakī e ērā tāngata kāore anō kia whiwhi i tō rātou mōkihi rēhita ā te Rāmere 27 Pipiri tētahi puka rēhita hōu. Ka āhei te tangata ki te rēhita, ki te whakahōu rānei i ōna taipitopito i elections.org.nz, te tiki puka rānei mā te patowaea koreutu i tōna ingoa me tōna wāhi noho ki 3676, mā te waea rānei ki 0800 36 76 56, mā te toro rānei i tētahi PostShop. Ka taea hoki he mōhiohio i www.facebook.com/ivotenz.
“Ka āta whakataukī rawa mātou – me matua rēhita koe kia āhei ai te pōti i te Pōtitanga Whānui hei tēnei tau, nō reira kia takatū ināianei,” ka kī a Murray Wicks.