Kāore ō mōkihi whakahōu? Me rēhita koe ināianei
Mēnā kāore anō koe kia whiwhi ki tō mōkihi whakahōu rēhita, kāore koe i te rēhita ki te pōti i te Pōtitanga Whānui ā tēnei tau.
Kua tukuna ngā mōkihi whakahōu i tēnei wiki ki te toru miriona tāngata o Aotearoa kua rēhita ki te pōti.
“Ko te tikanga kua whiwhi kē te katoa kua tōtika tā rātou rēhitatanga ki tētahi mōkihi whakahōu i te mēra,” hei tā Murray Wicks, Kaiwhakahaere ā-Motu o ngā Ratonga Rēhita. “Ka whakarite ēnei mōhiohio i tō rātou āhei ki te pōti i te pōtitanga whānui ā te 20 o Mahuru.”
“Kāore te tokomaha e whiwhi ki tō rātou mōkihi nō te mea kua hūnuku me te kore whakahōu i ō rātou taipitopito rēhita. Mēnā ka whakahokia ā-mēra mai tō rātou mōkihi, me tango aua tāngata i te rārangi pōti,” hei tā Murray Wicks.
Kei te inoi atu Te Kaitiaki Take Kōwhiri me ōna Kairēhita Kaipoti huri noa i te whenua, kia rēhita ināianei ērā kāore i whiwhi ki tētahi mōkihi rēhita.
“Ehara i te aunoa tō rēhita ki te pōti i tō ekenga ki te 18 tau te pakeke, ina āhei koe rānei. Me whakakī koe i tētahi puka rēhita", te kī a Murray Wicks. “Koinei te wā tika kia kite mēnā kua rēhita koe, mēnā kua tika ō taipitopito - kāore e roa kua mōhio koe. Mahia ināianei kia māmā ake ai tō pōti ā te rā pōti.”
He māmā te rēhita. Ka taea anō e koe te rēhita, te whakahou tuihono rānei i ō taipitopito i www.elections.org.nz. Ka taea hoki te whiwhi puka rēhita mā te pato koreutu i tō ingoa me tō wāhi noho ki 3676, waea ki 800 36 76 56, haere rānei ki tētahi PostShop. Ka taea hoki he mōhiohio i www.facebook.com/ivotenz.