He whakapātari nui ki te rēhita mo Ngā Pōtitanga Ā-rohe 2013
Ka tīmatahia he kōkiritanga rēhita e Te Kaitiaki Take Kōwhiri i tēnei rā kia rēhita tikahia ngā tāngata katoa ki te pōti i ngā pōtitanga ā-rohe i tēnei tau.
“Mai i tēnei rā kei te tukuna atu he mōkihi rēhita whakahou ki ngā kaipōti 3.1 miriona e rēhita ana ki te pōti i tēnei whenua,” hei tā Murray Wicks, Kaiwhakahaere ā-Motu o ngā Ratonga Rēhita. "Me āta titiro kei te tika katoa ō taipitopito. Mēnā e hiahia ana koe ki te whakarerekē i tētahi mea, whakakīa te puka, ka waitohu me te tuhi i te rā ka whakahoki wawe atu."
"Ka whakahaerehia ngā pōtitanga ā-rohe mā te pōti mēra, nō reira he mea nui kia rēhita ngā tāngata ki te wāhi noho tika," hei tā Mr Wicks. "Ki te whiwhi koe i tētahi mōkihi, ā, kāore mā tētahi i tō whare, whakahokia."
"Ki te kore koe e whiwhi i tētahi mōkihi, kāore koe i te rēhita, nō reira me tahuri koe ki te rēhita ināianei. He māmā - haere ki elections.org.nz, patokoreututia tō ingoa me tō wāhi noho ki 3676, waea rānei ki 800 36 76 56, haere rānei ki tētahi PostShop.
He rerekē ngā tatau rēhita puta noa i te motu, ā, kua takoto te wero a Te Kaitiaki Take Kōwhiri ki te whakanui ake i te tatau.
"I ētahi wāhi, tae atu ki te 10% o te taupori e mārarau ana kāore i te rēhita," hei tā Mr Wicks. "E ai ki tā mātau whakaaro ka taea e Aotearoa te whakapai ake i tēnei tatau!"
Ka whai wāhi ngā tāngata i ngā pōtitanga ā-rohe te whai reo mō te hunga whakahaere i tō rātau kaunihera, poari hauora ā-rohe rānei, me te hunga ka whai mana ki te whakatau kaupapa ā-rohe mō te taiao, ngā rēti, tūnga waka, para, pāka me ngā ratonga hauora.
Kupu akoako: E wātea ana ngā tatauranga rēhita hou rawa mō ia rohe kaunihera i www.elections.org.nz/research-statistics/enrolment-statistics-council