E Akiakina Ana Ngā Kaipōti Whaimana Ki Te Whakauru Mō Te Pōtitanga Motuhake O Te Tai Tokerau
E akiakina ana ngā kaipōti i te rohe pōti o Te Tai Tokerau ki te āta whakarite kua oti tika ai rātou te whakauru hei pōti ki te pōtitanga motuhake ka tū ā te Rāhoroi, 25 Hūne/Pipiri.
Kua kī te Kairēhita o ngā Kaipōti, a Stephen Hansen, ko ngā kaipōti anake kua oti te rēhita ki te rārangi ingoa pōti Māori mō Te Tai Tokerau ka āhei te pōti i te pōtitanga motuhake.
“Ka āhei te iwi te tirotiro kua rēhitatia rātou ki te rohe pōti i www.elections.org.nz. Ka whakaaturia anō ngā rārangi kaipōti hōu hei tirotironga i ngā PostShops me ngā puna pukapuka tūmatanui i roto i te rohe pōti o Te Tai Tokerau.”
I kī a Stephen Hansen me tirotiro ngā kaipōti kua rēhitatia kei te tika ngā kōrero mō rātou i ngā rārangi ingoa pōti.
“Ko tētahi tangata kua nuku whare, kua huri ingoa, kua huri rānei ētahi atu kōrero taipitopito mōna i ngā rā o muri tata noa, me whakahōu i aua kōrero kia tika rā anō. Ka taea ō kōrero te whakahōu mā te whakakī i tētahi puka whakauru hōu.”
He tere, he ngāwari te whakauru. Ka taea ngā puka whakauru te tiki atu i te paetukutuku pōtitanga www.elections.org.nz, mā te waeatuhi koreutu i tō ingoa me tō wāhi noho ki 3676, i tētahi PostShop, mā te waea koreutu rānei ki 0800 ENROL NOW (0800 36 76 56).
I kī rā a Stephen Hansen ka whiwhi mōkī mōhiohio pōtitanga i te mēra kotahi wiki i mua o te pōtitanga motuhake o 25 Hūne/Pipiri ngā kaipōti whaimana katoa kua tika te whakauru tae noa mai te Wenerei/Rāapa 25 Mei/Haratua.
“Kei roto i te mōkī ko ētahi mōhiohio whaitake pērā i tētahi rārangi o ngā wāhi pōti me ngā kaitono, tae ki tētahi kāri PōtiNgāwari hei kawe mā te kaipōti ina haere ki te pōti,” i kī a Stephen Hansen.
“E whakahauhau ana mātou kia tere tonu te iwi ki te whakauru, ki te whakahōu ake rānei i ā rātou kōrero taipitopito e āhei rātou te whakaputa i ō rātou whakaaro, i te pōtitanga motuhake o Te Tai Tokerau, i te Pōtitanga Whānui me te Tāpaetanga hoki i tēnei tau.
Mō ngā mōhiohio ā-takiwā, whakapā ki:
Stephen Hansen, Kairēhita o ngā Kaipōti
Waea 09 438 3309, te.tai.tokerau@elections.org.nz rānei.
Mō ngā mōhiohio ā-motu, whakapā ki:
Murray Wicks, Kaihautū ā-Motu, Pokapū Whakauru Kaipōti
Waea 027 249 4508, murray.wicks@elections.org.nz rānei