Kua kōkiri atu te tari pōtitanga matua ki āna
Kua kakari tonu te Tari Pōtitanga Matua kia māmā te tutuki me te whai wāhi ki te pōti mō ngā kaipōti mō te pōtitanga whānui 2008 ā te Rāhoroi 8 o Whiringa-ā-rangi/Noema 2008.
E whakahaerehia ana te pōtitanga whānui 2008 i raro i ngā rohe pōti hou, arā, tētahi rohe pōti hou i Botany i Tāmaki-makaurau me ngā ingoa hou, rohenga hou rānei mō te nuinga atu o ērā atu o ngā rohe pōti.
Hei tā te Āpiha Pōti Matua a Robert Peden, “Ka neke ā mātau Kaiwhakahaere Pōti i ia rohe pōti ki te whakaū i ngā wāhi pōti tata ki te 2,700 me ngā wāhi pōti tōmua 270 puta noa i te motu me te kimi, whakangungu hoki i ngā tāngata tata ki te 16,000 hei mahi ā te Rā Pōti.’’
“Ko tā mātau arotahi ko te whakahaere i tētahi pōtitanga tika, ngāwari hoki me te whakamāmā i te mahi pōti me tōna whai wāhitanga mai.”
Ko ngā tāngata katoa ka whakauru mā te 8 o Whiringa-ā-nuku/Oketopa ka whiwhi i te kāri PōtiNgāwari whaiaro me te mōkihi pārongo i roto i te mēra hei heri atu ina pōti rātau.
“Mā te kāri PōtiNgāwari ka māmā ake me te kakama te pōti,” e ai ki a Mr Peden. “E whakatītina ana mātau i ngā tāngata kia heria e rātau tā rātau kāri ina pōti rātau.”
Ka tuwhera ngā wāhi pōti atu i te 9.00 i te ata ki te 7.00 i te ahiahi i te Rā Pōti, Rāhoroi te 8 o Whiringa-ā-rangi/Noema.
Ka āhei ngā tāngata katoa kāore e tae ki tētahi wāhi pōti, kei tāwāhi rānei i te Rā Pōti, te tuku pōti tōmua. Ka tuwhera te pōti tōmua ā te 22 o Whiringa-ā-nuku/Oketopa 2008.
Hei tā Mr Peden, “Ka taea e ngā kaipōti i tāwāhi te tiki ake i ngā pepa pōti mai i www.elections.org.nz atu i te 22 o Whiringa-ā-nuku/Oketopa 2008 me te waea whakaahua atu, mēra atu rānei ki te Tari Pōtitanga Matua i Te Whanganui-a-Tara.”
Kei te wātea anō ētahi atu pārongo i www.elections.org.nz.
TE WĀTAKA MŌ TE PŌTITANGA WHĀNUI 2008
|
Paraire, te 3 o Whiringa-ā-nuku/Oketopa
|
Katitanga o te Pāremata
|
|
|
|
|
Tūrei, te 7 o Whiringa-ā-nuku
|
Te Rā Whakamutunga mō te rēhita i ngā rōpū me ngā waitohu tōrangapū me Te Kaitiaki Take Kōwhiri
|
|
|
|
|
Wenerei, te 8 o Whiringa-ā-nuku
|
Te Rā Karanga Pōti
|
|
|
Ka tukuna e te Kāwana Tianara te whakahau ōkawa ki te Āpiha Pōti Matua kia whakahaerehia te pōtitanga.
|
|
|
Ka kati ngā Rārangi Pōti mō te tā.
|
|
|
Ka taea e ngā kaipōti ka whakaurua ā muri o te rā nei te tuku pōti whakapuakanga motuhake.
|
|
|
Ka taea te whakaputa i ngā pānuitanga reo irirangi, pouaka whakaata hoki mō ngā kaitono me ngā rōpū tōrangapū.
|
|
|
|
|
Tāite, te 9 o Whiringa-ā-nuku
|
Ka karangatia ngā kōharinga mā te Pānui Tūmatanui
|
|
|
He pānuitanga e tono ana i ngā kōharinga takitahi mō ngā kaitono pōti ā-rohe.
|
|
|
|
|
Mane, te 13 o Whiringa-ā-nuku
|
Kōharinga Tōpū
|
|
Poupoutanga o te rā
|
Te rā kati mō ngā rōpū tōrangapū ki te kōhari ā-tōpū i ā rātau kaitono poti ā-rohe ki te Āpiha Pōti Matua.
|
|
|
|
|
Tūrei, te 14 o Whiringa-ā-nuku
|
Rārangi Rōpū Tōrangapū
|
|
Poupoutanga o te rā
|
Te rā kati mō ngā rōpū tōrangapū ki te tuku i ngā kaitono rārangi ki te Āpiha Pōti Matua.
|
|
|
|
|
Tūrei, te 14 o Whiringa-ā-nuku
|
Kōharinga Takitahi
|
|
Poupoutanga o te rā
|
Te rā kati mō ngā kōharinga takitahi mō ngā kaitono pōti ā-rohe ki ngā Kaiwhakahaere Pōti.
|
|
|
|
|
Wenerei, te 15 o Whiringa-ā-nuku
|
Pārongo mō ngā Kaitono
|
|
2.00 i te ahiahi te whāinga
|
Ka tukuna e te Āpiha Pōti Matua ngā ingoa katoa mō ngā kaitono pōti ā-rohe me ngā kaitono rārangi. Ka tīmata te whakaputa i ngā pepa pōti.
|
|
|
|
|
Tāite, te 16 o Whiringa-ā-nuku
2.00 i te ahiahi te whāinga |
Ka whakawāteatia ngā pārongo mō ngā Wāhi Pōti me ngā Wāhi Pōti Tōmua
|
|
|
|
|
|
|
|
Paraire, te 17 o Whiringa-ā-nuku
|
Te rā kati mō te whakarārangi i ngā rōpū wehe kē ki Te Kaitiaki Take Kōwhiri.
|
|
|
|
|
Wenerei, te 22 o Whiringa-ā-nuku
|
Ka tīmata ngā Pōti Tōmua i Aotearoa
|
|
|
Ka tīmata ngā pōti tōmua mō ngā kaipōti kāore i te kāinga ā te rā pōti, kāore rānei e tae ki tētahi wāhi pōti ā te Rā Pōti.
|
|
|
|
|
Wenerei, te 22 o Whiringa-ā-nuku
|
Ka tīmata ngā pōti mō ngā kaipōti i tāwāhi
|
|
|
Ka taea e ngā kaipōti i tāwāhi te tiki ake i ngā pepa pōti mai i www.elections.org.nz, te pōti mā te mēra, ā-tinana rānei i ngā wāhi pōti i tāwāhi e 64 i ētahi whenua e 44.
|
|
|
|
|
Rāhoroi, te 1 o Whiringa-ā-rangi/Noema
|
E wātea ana ngā Mōkihi Pārongo PōtiNgāwari
|
|
|
Ka tukuna ngā mōkihi pārongo me te kāri PōtiNgāwari ki ngā kaipōti i whakaurua mua mā te 8 o Whiringa-ā-nuku.
|
|
|
|
|
Paraire, te 7 o Whiringa-ā-rangi
|
Ka kati ngā whakaurunga
|
|
|
Te rā whakamutunga mō te whakauru ki te pōtitanga.
|
|
|
|
|
|
Ka mutu ngā pōti tōmua ā te 6.00 i te ahiahi.
|
|
|
|
|
Paraire, te 7 o Whiringa-ā-rangi Waenganui pō
|
Ka mutu katoa ngā pānuitanga tōrangapū me te tango atu i ngā tohu pōtitanga.
|
|
|
|
|
|
|
|
Rāhoroi, te 8 o Whiringa-ā-rangi
|
Te Rā Pōti
|
|
|
Ka tuwhera ngā wāhi pōti atu i te 9.00 i te ata ki te 7.00 i te ahiahi.
|
|
|
|
|
|
Te Pō Pōti
|
|
|
Ka tukuna haere ngā otinga tōmua atu i te 7.00 i te ahiahi i www.electionresults.govt.nz. Ngā whāinga:
|
|
|
§ Atu i te 8.30 i te ahiahi: ngā otinga pōti tōmua katoa
|
|
|
§ Atu i te 10.00 i te ahiahi: ngā otinga mai i te 50% o ngā wāhi pōti
|
|
|
|
|
|
|
|
Rāhoroi, te 22 o Whiringa-ā-rangi
2.00 i te ahiahi te whāinga |
Ka whakapuakina ngā Otinga Ōkawa (me ngā pōti whakapuakanga motuhake).
|
|
|
|
|
|
|
|
Wenerei, te 26 o Whiringa-ā-rangi
|
Te rā kati mō ngā tono mō te Tatau Anō ā-Ture
|
|
|
|
|
Tāite, te 27 o Whiringa-ā-rangi
|
Ka whakahokia e te Āpiha Pōti Matua te Whakahau e whakaatu ana i ngā kaitono rohe pōti i toa*
|
|
|
|
|
Paraire, te 28 o Whiringa-ā-rangi
|
Te Whakapuakanga o te Pōtitanga o ngā Mema Rārangi*
|
|
|
|
|
Paraire, te 12 o Hakihea/Tïhema
|
Te rā kati mō ngā Pūrongo Kaiwhakapāho o ngā Hōtaka Pōtitanga ki Te Kaitiaki Take Kōwhiri.
|
|
|
|
|
Tūrei, te 3 o Poutū-te-rangi/Maehe 2009
|
Te rā kati mō ngā Pūrongo Whakapaunga Pōtitanga a ngā Rōpū Tōrangapū ki Te Kaitiaki Take Kōwhiri*.
|
|
|
|
|
Tūrei, te 10 o Poutū-te-rangi 2009
|
Te rā kati mō ngā Pūrongo Whakapaunga Pōtitanga me ngā Takoha a ngā Rōpū Wehe Kē ki Te Kaitiaki Take Kōwhiri.
|
|
|
|
|
Tūrei, te 10 o Poutū-te-rangi 2009
|
Te rā kati mō ngā Pūrongo Whakapaunga Pōtitanga me ngā Takoha a ngā Kaitono ki Te Āpiha Pōti Matua.
|
|
|
|
*mēnā e hiahiatia ana he tatau anō, ka hikina mō te 4-5 rā te whakahokitanga o te whakahau, ngā otinga whakamutunga, te pōtitanga o ngā mema rārangi me te rā kati mō ngā pūrongo whakapaunga pōtitanga a ngā rōpū wehe kē.