E 47,000 ngā Māori kua ngaro i te rārangi ingoa kaipōti
E whakaatu ana ngā tauanga hōu he tata ki te 47,000 ngā Māori i whakaurua i tētahi wā o ngā tau e toru kua hipa atu kāore i te rārangi ingoa ināianei.
“E mōhio ana mātou, e 46,858 ngā uri Māori i runga i te rārangi ingoa kaipōti i waenganui i ngā tau e toru kua hipa atu, kua ngaro rawa atu i aua rārangi ingoa ināianei,” e kī ana a Murray Wicks, Kaiwhakahaere ā-Motu o te Pokapū Whakauru Kaipōti.
“Kua waiho aua tāngata kia taka tō rātou whakaurunga i te mea kāore i whakahouhia ā rātou taipitopito kōrero i tō rātou hūnukunga whare.”
“E akiaki ana mātou i ēnei kaipōti ‘ngaro’ ki te whakauru anō mā te whakakī i tētahi puka whakauru ināianei tonu,” e kī ana a Murray Wicks, Kaiwhakahaere Ā-Motu o te Pokapū Whakauru Kaipōti."
E whakaatu ana ngā tauanga:
- e 28,953 ngā uri Māori i whakauru i mua ki te rārangi ingoa Māori kāore i te rārangi ingoa ināianei
- 17,615 ngā uri Māori i whakauru i mua ki te rārangi ingoa Whānui kāore i te rārangi ingoa ināianei
Kei roto i te whiunga whakauru kaipōti tētahi hōtaka whakawhiti kōrero rongorau, me te mahi i roto i te hapori ki te pā ki te hunga māraurau ki te pōti, ki te āwhina hoki i a rātou ki te whakauru.
E 380,162 te tapeke o ngā tāngata kua tohua he uri Māori rātou kei te rārangi ingoa ināianei - 164,962 i te Rārangi Ingoa Whānui, e 215,200 i te Rārangi Ingoa Māori.
He māmā noa iho te whakauru. E wātea ana ngā puka whakauru mā te waea ā-kōnui koreutu i tō ingoa me tō wāhi noho ki 3676, mā te haere rānei ki www.elections.org.nz, mā te waea 0800 ENROL NOW (0800 36 76 56) rānei. Ka taea tonu e ngā kaipōti ā rātou taipitopito kōrero te tirotiro me te whakahōu i te paetukutuku.