PĀ ANA TE AROHA O NGĀ KIWI KI TE RAWA WHENUAPĀ ANA TE AROHA O NGĀ KIWI KI TE RAWA WHENUA KI TE PŪNAHA PŌTITANGA - PĀNUI PĀPĀHO
Meake tonu ka pā ki tō tātou pūnaha pōtitanga te aroha o ngā Kiwi ki te rawa whenua, i te Tari Whakauru Kaipōti e tīmata ana i tētahi kaupapa ki te whakauru tāngata mō ngā pōtitanga ā-rohe o tēnei tau.
“Nui atu i te 900,000* ngā tāngata i nuku whare i te tau ka taha nei, ā, ki te kore ngā kaipōti māraurau e whakahou i ō rātou taipitopito wāhi noho kei a mātou, tērā pea e tangohia atu rātou i te rārangi ingoa,” e kī ana a Murray Wicks, Kaiwhakahaere ā-Motu o te Tari Whakauru Kaipōti.
“Me tēnei nuinga Kiwi e nuku whare ana, ā, me ētahi atu 160,000 kāore anō kia whakaurua, he mahi nui tā mātou ki te titiro kua whakaurua tōtikatia rātou mō ngā pōtitanga ā-rohe o te 13 o Whiringa-ā-nuku.”
Nō āpōpō atu, (Mane te 9 o Hōngongoi 2007), ka tukua atu ki ngā tāngata katoa kua oti te whakauru, mā te mēra, neke atu i te 2.9 miriona o ngā mōkihi whakahoutanga pōti.
“Me āta titiro e te iwi kei te tika ō rātou taipitopito pōtitanga, ā, ka tuku urupare mai ina kua rerekē ētahi taipitopito," e kī ana a Wicks. "Ko tētahi tangata kāore e whiwhi ki te mōkihi whakahou pōtitanga tae ki te Wenerei te 11 o Hōngongoi kāore hoki e tika tāna whakauru ki te pōti.”
E whakamaharatia ana te iwi e Wicks he mea nui anō hoki kia whakahokia mai ngā mōkihi o ngā tāngata kāore e noho ana ki taua wāhi noho ināianei. Whakakorea te wāhi noho i ēnei mōkihi, tuhia ‘kua nuku, kāhore he wāhi noho’, ā, ka whakahokia.
“Ina whiwhi anō mātou ki ēnei mōkihi me tango ēnei tāngata i runga i te rārangi pōtitanga, engari ia kua whakahoungia e rātou ō rātou taipitopito, kua whakaurua anō rānei.”
“I te tau 2004, i whakahaeretia ai ngā pōtitanga ā-rohe o muri ake nei, tata ki te 100,000 ngā reta pōtitanga i whakahokia mai ki a mātou me te tuhinga ‘kua nuku, kāhore he wāhi noho’.”
Ka taea anō e te iwi te titiro mehemea kei te tika ngā taipitopito pōtitanga, te whakauru ā-ipurangi rānei i www.elections.org.nz.
Me whakauru rawa ki te pōti ngā tāngata māraurau katoa o te 18 tau neke atu. Hei whiwhi ki tētahi puka whakauru, hei whakahou rānei i ō taipitopito pōtitanga, waeatia 0800 ENROL NOW (0800 36 76 56), tuhia ā-waea koreututia rānei tō ingoa me tō wāhi noho ki 36 76, haere rānei ki tētahi PostShop, haere rānei ki te pae tukutuku pōtitanga www.elections.org.nz, ka whakauru ā-ipurangi, ka whakahou i ō taipitopito rānei.
“Ko ngā tāngata katoa i tika te whakauru tae ki te 24 o Here-turi-kōkā ka whiwhi mā te mēra ki ngā pepa pōti mō ngā pōtitanga ā-rohe 2007,” e kī ana a Wicks
*mātāpuna: Tatauranga Aotearoa 2006 Raraunga Tatauranga (kei roto anō ngā rōpū pakeke katoa)