Me whakamāmā i te pōti i roto i te pōtitanga motuhake o Northland hei te Rāhoroi te 28 o Poutūterangi mā te rēhita i mua o te Mane e haere mai nei.
Me whakamāmā i te pōti i roto i te pōtitanga motuhake o Northland hei te Rāhoroi te 28 o Poutūterangi mā te rēhita i mua o te Mane e haere mai nei.
“Me mātua rēhita i mua o te Mane te 23 o Huitanguru kia mātua whiwhi i a koe tō mōkihi PōtiNgāwari i roto i te mēra," hei tā Deborah Darton, te Kairēhita Kaipōti o te Rohe Pōti o Northland. “Ka whakarārangi katoatia ngā mōhiohio e hiahiatia hei pōti i roto i te pōtitanga motuhake, arā, ngā kaitono, ngā wāhi pōti me te wā tuwhera, tae atu hoki ki tō kāri PōtiNgāwari.”
He māmā, he tere hoki te rēhita. E wātea tuihono ana ngā puka rēhita i te paetukutuku pōtitanga i www.elections.org.nz, mā te patowaea koreutu i tō ingoa me tō wāhi noho ki 3676, i ngā PostShop katoa, mā te waea koreutu rānei ki 0800 36 76 56. Ka taea e ngā tāngata te whakahōu ā rātau taipitopito ki tētahi puka rēhita hou, mā te haere rānei ki www.elections.org.nz.
“Mēnā kāore anō ō hoa, whānau rānei kia rēhita - koinei te wā hei whakamahara i a rātau!”
Ko te hunga anake e rēhita ana ki te rohe pōti whānui o Northland e āhei ki te pōti i roto i te pōtitanga motuhake.
"Mēnā he Māori koe, ka mutu kei te rēhita koe mō te wā tuatahi, ka taea e koe te whiriwhiri mēnā ka eke atu koe ki te rārangi Māori, te rārangi Whānui rānei," hei tā Deborah Darton. "Ki te rēhita koe ināianei ka mutu ka kōwhiri koe i te Rārangi Māori, ka uru koe ki te rārangi pōti o Te Tai Tokerau, ā, kāore koe e āhei ki te pōti i tēnei pōtitanga motuhake. Ki te rēhita koe ināianei me te kōwhiri i te Rārangi Pōti Whānui mō te rohe pōti o Northland, ka āhei koe ki te pōti i tēnei pōtitanga motuhake. Ko te rārangi ka kōwhiria e koe ināianei koinā tō rārangi pōti i te pōtitanga whānui e whai ake. Ahakoa te rārangi ka pōti koe, kāore koe e taea te huri tō momo rārangi pōti kia eke anō ai te Kōwhiringa Pōti Māori whai ake hei te tau 2018."
Mō te āhei mai ki te rēhita ki te rohe pōti o Northland me mātua:
- Eke o tau ki te 18, neke atu rānei; me
- Kirirarau, kainoho tūturu rānei koe nō Aotearoa kua 12 marama tō noho ki Aotearoa i tētahi wā; me
- Te noho ki te rohe pōti o Northland mō te kotahi marama, neke atu rānei.