Rēhita I Mua O Te Rāapa 29 O Haratua Kia Māmā Ake Ai Te Pōti I Roto I Te Pōtitanga Motuhake O Ikaroa-Rāwhiti
Me whakamāmā te pōti i roto i te pōtitanga motuhake o Ikaroa-Rāwhiti hei te Rāhoroi 29 o Pipiri mā te rēhita i mua o tērā Rāapa/Wenerei.
“Me mātua rēhita i mua o te Rāapa 29 o Haratua kia mātua whiwhi i a koe tō mōkihi PōtiNgāwari i roto i te mēra," hei tā Sue Braybrook, Kairēhita Kaipōti o te Rohe Pōti o Ikaroa-Rāwhiti. “Ka whakarārangi katoatia ngā mōhiohio e hiahiatia ana e koe hei pōti i te pōtitanga motuhake, arā, ngā kaitono, ngā wāhi pōti me te wā tuwhera, tae atu hoki ki tō kāri PōtiNgāwari.”
He māmā, he tere hoki te rēhitatanga. E wātea tuihono ngā puka rēhita i te paetukutuku pōtitanga i www.elections.org.nz, mā te patowaea koreutu i tō ingoa me tō wāhi noho ki 3676, i ngā PostShop katoa, mā te waea kore utu rānei ki 0800 36 76 56. Ka taea e ngā tāngata ā rātau taipitopito te whakahōu ki tētahi puka rētahi hōu, mā te haere rānei ki www.elections.org.nz.
“Mēnā kāore koe i te rēhita, kua huri rānei koe i tō wāhi noho, ā, kāore anō kia whakahōutia mai e koe ō taipitopito, me mātua rēhita anō ināianei," te kī a Sue Braybrook. “Mēnā kāore anō ō hoa, ō whānau rānei kia rēhita - koinei te wā hei whakamahara i a rātau!”
Ko te hunga anake e rēhita ana ki te rohe pōti Māori o Ikaroa-Rāwhiti e āhei ki te pōti i roto i te pōtitanga motuhake. Pērā i te hunga e noho ana i te rohe pōti o Ikaroa-Rāwhiti kua rēhita kē ki te rārangi pōti Māori, te hunga kua rēhita mō te wā tuatahi ki te rārangi Māori, me te hunga ka whakawhiti mai i te rārangi Whānui ki te rārangi Māori i runga i te Kōwhiringa Māori.
Mō te āhei mai ki te rēhita ki te rohe pōti o Ikaroa-Rāwhiti me mātua:
- Eke o tau ki te 18, neke atu rānei; me
- Uri Māori koe nō Aotearoa; me
- Kairarau, kainoho tūturu rānei koe nō Aotearoa kua 12 marama tō noho ki Aotearoa i tētahi wā; me
- Te noho ki te rohe pōti o Ikaroa-Rāwhiti mō te kotahi marama, neke atu rānei.