Media & news Te hunga pāpāho me ngā rongo kōrero

Kua tae ki te wehenga rua o te Kōwhiringa Pōti Māori, ā, hei whakamaharatanga hoki, kei te tuku kāri Te Kaitiaki Take Kōwhiri ki ngā tāngata Māori 366,000 kua rēhita engari kāore anō kia whakahokia he puka ki te whakatinana i tā rātau hiahia.

"Ki te whiwhi koe i tētahi kāri ka mutu kei te hiahia koe ki te noho tonu ki te rārangi pōti kei runga koe, he pai tērā, kāore he mahi atu anō māu," hei tā Murray Wicks, Kaiwhakahaere ā-Motu o ngā Ratonga Rēhita. "Engari mēnā kei te hiahia huri koe, whakahōu rānei i ō taipitopito, he ngāwari. Me whakakī i te puka i tukuna atu e mātau i te Poutū-te-rangi, whakakīhia rānei he puka rēhita hōu ka whakahokia mai.”

I te wā o te Kōwhiringa Pōti Māori, ka taea e te Māori te whiriwhiri ki te Rārangi Pōti Māori rātau, te Rārangi Pōti Whānui rānei ina pōti rātau i ngā Pōtitanga Whānui e rua e whai ake me ngā pōtitanga motuhake katoa.

"Kia mahara, kotahi anake tō kōwhiringa i te wā o te Kōwhiringa," hei tā Murray Wicks. "Kāore koe e whai wā anō ki te huri rārangi kia tū anō te Kōwhiringa Pōti Māori, ko te tikanga hei te tau 2018.

"Mēnā ko te āhuatanga ki a koe he rēhita, he whakahōu rānei i ō taipitopito, whakakīa he puka rēhita - he māmā!" hei tā Mr Wicks.

Mō te whiwhi puka rēhita, haere ki elections.org.nz, patokoreututia tō ingoa me tō wāhi noho ki 3676, waea ki 800 36 76 56, haere rānei ki tētahi PostShop.

E wātea ana he mōhiohio atu anō i www.elections.org.nz.

KUA MUTU

HEI MŌHIO: Ko ngā hua hōu o te maha o ngā Māori kua whakatau ki te huri rārangi  pōti, kua rēhita rānei mō te wā tuatahi mai i te tīmatanga o te Kōwhiringa Pōti Māori, kei te wātea i  http://www.elections.org.nz/events/meo-2013/progressive-results