Kei te kare ngā rōpū o te Kaitiaki Take Kōwhiri i te rongo mō te Kōwhiringa Pōti Māori
Ka puta whānui ngā kaimahi a Te Kaitiaki Take Kōwhiri i Aotearoa i roto i ngā wiki e tū mai ki te kawe i te kōrero mō te Kōwhiringa Pōti Māori.
Ka tīmata te Kōwhiringa Pōti Māori o tēnei tau ā te 25 o Poutū-te-rangi, ā, kei te mahi anō ngā rōpū takawaenga i roto i ngā hapori puta noa i Aotearoa kia mātua whakarite ai kei te whiwhi te iwi Māori i ngā mōhiohio katoa e hiahiatia ana hei whakarite i tā rātau kōwhiri.
"Mēnā he Māori koe, ā, kei runga koe i te rārangi pōti, ka whai wāhi koe i tēnei tau ki te whiriwhiri ki tēhea momo rārangi pōti koe – te rārangi Māori, Whānui rānei," hei tā Murray Wicks, Kaiwhakahaere ā-Motu o Ngā Ratonga Rēhita.
"Nō te tau 2006 te Kōwhiringa Pōti Māori o mua," hei tā Mr Wicks, "nō reira ka mātua whakarite mātau kia whai wāhi mai te Māori ki ngā mōhiohio katoa mō te Kōwhiringa me tōna pūtake i mua i tā rātau whakatau ina tīmata te wā Kōwhiringa. He kōwhiringa nui tēnei, ā, me angitu te whai wāhi a te iwi."
Hei te paunga o Poutū-te-rangi ka tukuna he mōkihi whaiaro mā te mēra ki te hunga i kī he uri Māori rātau i te rēhitanga mai. Kei roto ko ngā mōhiohio āmiki mō te Kōwhiringa me te puka e hiahiatia hei āwhina i a rātau ki te whiriwhiri i te momo rārangi mō rātau.
Hei te tīmatanga o Hui-tanguru tīmata ai ngā mahi a ngā rōpū takawenga, ā, ko ētahi ko ngā māngai o ngā rōpū Māori e mahi ana i roto i ngā hapori.
"He whai wāhitanga nui tēnei mō tō marae, mō tō wāhi mahi, mō tō whānau rānei ki te whai mōhio anō mō te Kōwhiringa," te kī a Mr Wicks. “Mō te kimi i te rōpū e mahi ana i tō rohe, e wātea ana ngā mōhiohio katoa i tā mātau pae tukutuku i www.elections.org.nz, mā te waea koreutu rānei ki 0800 36 76 56.”
For more information contact media@elections.govt.nz