E whakarite ana Te Kaitiaki Take Kōwhiri mō te pōtitanga motuhake o Te Tai Tokerau
E whakarite ana Te Kaitiaki Take Kōwhiri ki te whakahaere i tētahi pōtitanga motuhake i Te Tai Tokerau ā te Rāhoroi 25 Hūne/Pipiri.
“Ka mahi mātou i te hapori ki te tirotiro e mōhio ana ngā kaipōti kua oti te whakauru ki te rohe pōti o Te Tai Tokerau ki te rerekētanga matua i waenganui o tēnei pōtitanga motuhake me te Pōtitanga Whānui 2011,” e kī ana te Āpiha Pōtitanga Matua a Robert Peden.
“I roto i te pōtitanga motuhake o Te Tai Tokerau kotahi noa te pōti a te tangata, arā, te pōti mō te Mema Pāremata ā-rohe. Kāhore he Pōti Rōpū,” e kī ana a Robert Peden.
E manako ana Te Kaitiaki Take Kōwhiri ki te whakatū i ngā wāhi pōti 130 huri noa te rohe o Te Tai Tokerau, e toro atu rā i Tāmaki-makau-rau-ki-te-raki ki Te Reinga.
Ka taea e ngā kaipōti kāore e āhei ana te pōti i rohe pōti o Te Tai Tokerau ā te 25 Hūne/Pipiri te pōti i tētahi wāhi pōti tōmua i mua i te rā pōtitanga. Ā te rā pōtitanga ka wātea ngā wāhi pōti i roto i te rohe pōti anake.
Ka tīmata ngā pōti tōmua me ngā pōti nō tāwāhi ā te Wenerei/Rāapa 8 Hūne/Pipiri 2011.
Ka whakaaturia ngā kōrero mō ngā wāhi pōti i www.elections.org.nz mai o te Tūrei/Rātū 31 Mei/Haratua 2011.
“He āhuatanga matua te kāri PōtiNgāwari o te pōtitanga motuhake o Te Tai Tokerau, nā reira e akiakina ana te iwi kia hohoro rawa te whakauru ki te pōti e āhei ai te whiwhi ki tā rātou kāri PōtiNgāwari kia ngāwari ake ina haere rātou ki te pōti,” e kī ana a Robert Peden.