He Karanga Ki Te Iwi Māori Kia Whakauru Tikahia Ki Te Pōti
E whakatītina ana ngā whānau, ngā hapū, ngā iwi me ngā tāngata takitahi ki te whakarite kei te rēhita i a rātau katoa ki te pōti i roto i ngā pōtitanga o tēnei tau mō ngā kaunihera ā-rohe me ngā poari hauora.
He inoi tēnei nā te Pokapū Whakauru Kaipōti hei wāhanga o tana tautoko i te Wiki o te Reo Māori i tēnei wiki, ā, i te whakatatahanga mai hoki o te wā kati i ngā rēhitatanga o ngā kaipōti mō ngā pōtitanga ā-rohe.
E ai ki ngā tatauranga hou e 397,200 ngā tāngata e kī ana he Māori rātau kua rēhitatia ki te pōti.
“Tata ki te 400,000 ngā tāngata i tautuhia he Māori rātau kua whakauru ki te pōti,” hei tā Murray Wicks, te Kaiwhakahaere ā-Motu o te Pokapū Whakauru Kaipōti. “Engari i ngā wiki e toru kua hipa nei e 8,000 ngā tāngata Māori i tangohia i te rārangi pōti i te mea kua hūnuku whare rātau, ā, kua whakahokia mai ā rātau mōkihi whakahou whakaurunga i te mea kāore e taea te mau ngā mōkihi.
“Ina neke whare te tangata me whakahou ia i ngā taipitopito whakaurunga, ki te kore ka tangohia pea ia mai i te rārangi pōti.
“Ki te kore te tangata e whiwhi i tētahi mōkihi whakahou whakaurunga i te mēra, kāore i te rēhita tika ia, ā, me whakauru ināianei.”
E wātea ana ngā puka whakaurunga i te paetukutuku pōtitanga www.elections.org.nz, mā te waea ā-kōnui koreutu i tō ingoa me tō wāhi noho ki 3676, mai i tētahi PostShop, mā te waea atu rānei ki 0800 ENROL NOW (0800 36 76 56). Ka taea anō e koe te tirotiro i ō taipitopito me te whakauru ā-ipurangi i taua paetukutuku.
“E kaha ana mātau mahi i roto i ngā hapori kia mātua mōhio ai ngā tāngata mō te whakauru tika kia whiwhi ai rātau i ngā pepa pōti mō ngā pōtitanga ā-rohe i roto i te mēra. Ka tono mātau ki te hapori i ngā wā katoa ki te āwhina ki te whakaputa i te mōhiohio mō te whakauru me te whakarite kei te rēhita ā rātau tāngata.”