Ka tīmata te whiunga whakauru kaipōti ahakoa te iti o te mōhio he tau pōtitanga tēnei
Āpōpō ka tīmata he whiunga whakauru kaipōti nui rawa mō te pōtitanga o tēnei tau (Rāhina 5 Haratua 2008) – ahakoa e whakaaturia mai ana te rangahau kāore te tokomaha e mōhio ana he tau pōtitanga tēnei.
Kua tīmataria te tatau haere ki te pōtitanga Pāremata e te Pokapū Whakauru Kaipōti mā te pōhi i ngā mōkihi whakauru ki ngā tāngata katoa kei te rārangi ingoa ināianei kia tirohia mēnā kei te tika ā rātou taipitopito kōrero.
“He upane matua tā mātou whiunga whakauru ki te whakatakatū i ngā tāngata o Aotearoa mō te pōtitanga. Engari e meatia ana tēnei e mātou i te wā e kī ana te rangahau he iti te mōhio i waenganui i ngā tāngata o Te Moana-nui-a-Kiwa, ngā tāngata Māori, ngā tāngata Āhia, me ngā taiohi he tau pōtitanga tēnei,” e kī ana a Murray Wicks, te Kaiwhakahaere ā-Motu o te Pokapū Whakauru Kaipōti.
“E whakaatu mai ana te rangahau neke atu i te haurua o ngā tāngata o Te Moana-nui-a-Kiwa me ngā taiohi, ā, kei raro tata tonu iho o te haurua o ngā Māori me ngā tāngata o Āhia kāore i te mōhio he tau pōtitanga tēnei.”
E whakaatu ana anō tētahi rangahau i whakaritea mō te Pokapū Whakauru Kaipōti he 55 ōrau o ngā tāngata o Te Moana-nui-a-Kiwa, he 53 ōrau o ngā taiohi, he 45 ōrau o ngā tāngata o Āhia, he 41 ōrau hoki o ngā Māori kāore i te mōhio he tau pōtitanga tēnei.”
“Ma mātua whakatakatū e mātou ngā tāngata katoa ka taea kia rite mō te pōtitanga mā te tiaki kua whakaurua tōtikatia rātou ki te pōti,” e kī ana a Wicks. “Ko te taiapa mō mātou me tā mātou whiunga whakauru ko te kore mōhio nei he tau pōtitanga tēnei.
“E toro hoki ana tā mātou kaupapa whakauru ki ngā tāngata katoa e āhei ana ki te pōti. Ko te wāhi tēnei kia whakaurua tōtikatia rātou, kia rite hoki ki te pōti ina paohotia te rā pōtitanga.”
I tēnei wā tonu, e 237,000 ngā tāngata kāore anō kia whakauru. E 2.862 miriona ngā tāngata kua oti te whakauru, arā e 92.35 ōrau o te taupori whakatau tata e āhei ana ki te pōti.
“Ko te whāinga o tēnei kaupapa whakauru kaipoti matua e tīmata ana ināianei ko te tiaki kei te tika te whakaurunga o rātou katoa kua oti te whakauru. Kei te whai hoki i a rātou mā kāore anō kia whakauru, rātou hoki kua tangohia i te rārangi ingoa nō te mea kua hūnuku whare rātou, ā, kāore anō kia whakahoungia ā rātou kōrero taipitopito” e kī ana a Wicks.
Ko ngā tāngata kāore anō kia whiwhi mōkihi whakahou whakaurunga tae ki te Rāpare, te 8 o Haratua, me whakauru anō. Ka āhei hoki te whakauru ā-ipurangi, te whakahou rānei i ā rātou taipitopito i www.elections.org.nz. E wātea ana anō ngā puka whakauru mā te waea ā-kōnui koreutu i tō ingoa me tō wāhi noho ki 36 76, mā te waea 0800 ENROL NOW (0800 36 76 56), i tētahi ToaPōhi rānei.