Media & news Te hunga pāpāho me ngā rongo kōrero

Back to all media & news

Ngā Otinga o te Kōwhiringa Pōti Māori 2018

Aug 13, 2018 | Media release

Kua kati te Kōwhiringa Pōti Māori 2018, neke atu i te 23,300 ngā Māori i kōwhiri ki te huri rārangi, ki te rēhita rānei ki te pōti.

I tuwhera te Kōwhiringa mai i te 3 o Paengawhāwhā ki te 2 o Hereturikōkā me te tuku whai wāhitanga ki ngā kaipōti Māori kia eke ki te rārangi pōti Māori, ki te rārangi pōti whānui rānei.

I te mutunga o te Kōwhiringa, 52.4% o ngā kaipōti Māori i runga i te rārangi Māori, ā, 47.6% i te rārangi whānui, ā, ka whakataurite ki te 52.8% me te 47.2% i te tīmatanga o te Kōwhiringa.  He pikitanga o te 1,200 ki te rārangi Māori me te 4,015 ki te rārangi whānui.

"Tata ki te 95% ngā kaipōti Māori i noho ki te rārangi i runga rātau, ā, he iti noa te huringa ki te ōwehenga o ngā kaipōti i ia rārangi," te kī a Mandy Bohté, Kaiwhakahaere ā-Motu o te Rēhita me te Whitiwhiti ā-Iwi.  

"O te hunga i huri rārangi, he nui ake te hunga i neke mai i te rārangi Māori ki te rārangi whānui, ā, he nui ake te hunga rēhita hou i kōwhiri i te rārangi Māori," te kī a Ms Bohté.

Kei te tūtohi e whai ake ko tētahi whakamāramatanga o ngā huringa.

Ngā pānga ki ngā rārangi pōti

Te rahinga kei ngā rārangi i te mutunga o te kōwhiringa

Ngā huringa ki te momo rārangi pōti

Ngā rēhitatanga hou o te hunga Māori

Pānga More ki te Rārangi Māori +/(-)

Pānga More ki te Rārangi Whānui +/(-)

Ngā Māori kei te Rārangi Māori

Ngā Māori kei te Rārangi Whānui

Mai i te Rārangi Māori ki te Rārangi Whānui

Mai i te Rārangi Whānui ki te Rārangi Māori

Rārangi Whānui

Rārangi Māori

 

1,200

 

4,015

 

247,494

 

224,755

 

10,163

 

7,956

 

1,808

 

3,407

Ka tukua ngā raraunga ki a Tatauranga Aotearoa, ā, ka whakamahia ngā hua o te Kōwhiringa, me ngā mōhiohio mai i te Tatauranga Whānui, hei tātai i te maha o ngā rohe pōti Māori me ngā rohe pōti whānui mō ngā pōtitanga nui e rua e whai ake.  Kei te mahi a Tatauranga Aotearoa ki te whiriwhiri e hia te maha o ngā rohe pōti, ā, hei te Paengawhāwhā 2019 ka whakaputaina tēnei.  

E whitu ngā rohe pōti Māori i tēnei wā, ā, ka piki haere pea tēnā kaute, ka heke, ka noho ōrite tonu rānei.

I muri i te tātaitanga o te maha o ngā rohe pōti e te Kaitatau a te Kāwanatanga, ka whakahuitia te Kōmihana Whakatau Rohe Pōti ki te whakarite i ngā rohenga pōti me ngā ingoa o ngā rohe pōti mō ngā pōtitanga nui o te tau 2020 me te 2023. 

Mō tētahi wāwāhitanga o ngā rohe pōti me ngā otinga o ngā Kōwhiringa Pōti Māori o mua, haere ki https://www.elections.org.nz/meo/results.

Back to top