Pūtea Whakatapoko Pōtitanga: ngā pātai rangahau whakawhitiwhiti kōrero

Kōrero Whakataki

Kei te whakatūria e Te Kaitiaki Take Kōwhiri tētahi pūtea hou, e kīia ana ko te Pūtea Whakatapoko Pōtitanga, hei tautoko i ngā tāngata whaikaha kia tū hei kaitono i ngā pōtitanga whānui me ngā pōtitanga motuhake.

Ko te kaupapa o te pūtea he whakaiti i ngā ārai utu kei runga i ngā tāngata whaikaha mā te utu i ngā utu ka pā ki ngā tāngata whaikaha kāore e tau ki ngā kaitono ehara i te hauā. E kapi ana te pūtea i te hunga e whakataetae ana kia tū hei kaitono, ā, me te whakataetae hei kaitono i te Pōtitanga Whānui 2023 (me ngā pōtitanga o muri mai) me ngā pōtitanga motuhake.

Mā te Pūtea ka taea e te Kaitiaki Take Kōwhiri te utu ngā utu tāpiri ka pā ki ngā kaitono nā tō rātau hauātanga ina whakarite ana me te takatū ki te tū i ngā pōtitanga Pāremata.

Kotahi miriona tāra te rahi kua whakaūngia e te Kāwanatanga mō te Pūtea Whakatapoko Pōtitanga i ngā tau e whā e whai ake. Kei Te Kaitiaki Take Kōwhiri te kawenga ki te whakatū me te whakahaere i te pūtea.

Kei te rapua e mātau ngā whakaaro o ngā tāngata whaiakah, ngā rōpū whakahaere tāngata whaikaha, ngā rōpū tōrangapū, me ētahi atu tāngata whai pānga, whakahaere hoki ka āhei rātau ki te tono ki te pūtea, he aha ngā momo whakapaunga ka utua e te pūtea, ā, me pēhea te toro ki te pūtea.

He aha Te Kaitiaki Take Kōwhiri?

Kei Te Kaitiaki Take Kōwhiri te kawenga mō te whakahaere i ngā pōtitanga pāremata o Aotearoa, ā, kia noho hou tonu ngā rārangi pōti. He Hinonga Karauna motuhake mātau, arā he motuhake mātau mai i te kāwanatanga. Ka whakahaerehia e mātau te Ture Pōtitanga 1993 e whakatakoto ana i ngā ture mō ngā pōtitanga pāremata me te rārangi pōtitanga.

Ka whakahaerehia e mātau ngā wāhanga katoa o ngā pōtitanga pāremata. Kei roto i tēnei ko ngā pōtitanga whānui e pōti ana ngā tāngata katoa e āhei ana ngā tangata katoa i Aotearoa ki te poti mō te hunga e hiahia ana rātau ki rō kāwanatanga. Ka whakahaerehia anō e mātau ngā pōtitanga motuhake ka tū ina wehe ana tētahi mema pāremata i tōna tūru i mua o tētahi pōtitanga whānui, ā, ka pōti tōna rohe mō te hunga ka whakakapi i a ia. 

Ko ētahi o ō mātau kawenga matua ko te rēhita i ngā rōpū tōrangapū me te āwhina i ngā kaitono kia mārama ki ngā ture, te āwhina i te iwi whānui kia mārama me pēhea te rēhita me te pōti, te whakahaere wāhi pōti me te tatau me te tukatuka i ngā pōti.

Kia noho ai te pono ki te pūnaha pōti, ka noho tōkeke mātau, ka whakaū me te whai i te ture rohe pōti me te mahi motuhake mai i te kāwanatanga.

He aha te tūranga o Te Kaitiaki Take Kōwhiri i roto i te Pūtea Whakatapoko Pōtitanga?

E herea ana Te Kaitiaki Take Kōwhiri e te ture ki te hoahoa, te whakatū, me te whakahaere i te Pūtea Whakatapoko Pōtitanga.
Kei roto i tēnei ko te whakawhitiwhiti kōrero whānui me te whakatau i ngā tikanga katoa e hiahiatia ana ka pēhea te mahi a te Pūtea me ngā mea ka whiwhi i ngā kaitono.  Kei Te Kaitiaki Take Kōwhiri anō te kawenga mō te whakawātea mai i te Pūtea i mua o ia pōtitanga whānui me te pōtitanga motuhake, ā, mō te whakatau me te tukatuka tono.

Ka pēhea te whakatū i te Pūtea Whakatapoko Pōtitanga?

E whakahaerehia ana e Te Kaitiaki Take Kōwhiri tētahi kaupapa hei whakatū i te Pūtea Whakatapoko Pōtitanga.  Kei roto i tēnei ko te hanga kaupapahere me ngā tukanga, te whakawhitiwhiti kōrero, te whakaara mōhio, te tuku mōhiohio mā ngā āhuatanga rerekē, me te whakatū tukanga whakahaerenga tonu o te Pūtea, tae atu ki te whiwhi me te tātari i ngā tono.

He Rōpū Ārahi tō te kaupapa mō te aronga whānui, whakahaerenga hoki ka pēhea te whakatū i te Pūtea. Kei roto i te Rōpū Ārahi ko ngā kaimahi matua a Te Kaitiaki Take Kōwhiri, he kaitohutohu nō Te Tari mō Ngā Take Hauātanga me ngā mema mai i te Hononga DPO (Ngā Whakahaere Tāngata Whaikaha).

Kei te hiahia mātau i ō whakaaro

Kei te kōrerorero mātau ki ngā tāngata whaikaha, ngā whakahaere tāngata whaikaha, ngā rōpū tōrangapū, me ētahi tangata me ētahi whakahaere whai pānga.  Kei te rapu whakaaro mātau ko wai te hunga tika ka āhei ki te tono ki te pūtea, he aha ngā momo whakapaunga ka utua e te pūtea, ā, me pēhea te toro atu.

He mea nui te whai i ngā whakaaro o ngā tāngata whaikaha puta noa i te tukanga hoahoa me te hanga hei whakarite ka tino pai te whakahaere i te pūtea me te whakaiti i ngā tauārai utu.  He whakaritenga anō tēnei i raro i te Ture. Kei roto i te Rōpū Ārahi o te kaupapa ko ētahi tāngata nō te hapori hauā. 

Kei te totoro atu mātau ki a koe kia tukuna mai ō whakaaro mō ngā kaupapa maha e marohitia ana ko te tūmanako ka whakarere ēnei whakawhitiwhiti kōrero. He whai wāhitanga tēnei ki te whakaputa i ō whakaaro mō ngā mea pai, kāore i te pai rānei ki a koe mō ngā kaupapa e marohitia ana, ā, he aha ai.  Me whai i tēnei hono (elections.nz/election-access-fund/survey) hei whakakī i tētahi rangahau tuihono.

E wātea anō tēnei i ngā hōputu rerekē.

Me pēhea au e tuku i ōku whakaaro?

Kei ngā whārangi e whai ake ko ētahi pātai. Ko ngā mea tuatahi ko tō whakautu ki tēnei rangahau, ā-whakahaere nei, ā-tangata rānei. Kātahi ka uia ētahi pātai ki a koe me pēhea e mahi ai te Pūtea.

Ka taea e koe te whakakī tuihono i te rangahau, mā tēnei hono (elections.nz/election-access-fund/survey).  Ka taea rānei e koe te tuku mai he ī-mēra o tētahi ororongo, ataata rānei e kōrero ana koe, mā te tikiake rānei me te whakakī i te rangahau.

Ka taea e koe te tuku i tō whakautu ki electionaccessfund@elections.govt.nz

Mēnā kei te hiahia koe kia pōhitia he puka o te rangahau me waea atu ki 0800 36 76 56, īmēra rānei ki electionaccessfund@elections.govt.nz kia tukuna he kape mā te īmēra.

Mēnā e hiahia ana koe ki te pōhi atu i ō whakautu, me tuku ki: The Election Access Fund, PO Box 3220, Wellington, 6140

Ko ngā pātai mō te tukanga whakawhitiwhiti kōrero me tuku ki a Stacey Knott i electionaccessfund@elections.govt.nz Waea rānei ki 0800 36 76 56

Mēnā e hiahia ana koe ki te whakautu mā te NZSL ka taea e koe mā tēnei paetukutuku: www.seeflow.co.nz/direct

Ka tīmata ngā whakawhitiwhiti kōrero hei te Mane, 18 o Hūrae, 2022, ā, ka kati hei te Rātapu, 14 o Ākuhata, 2022.

Ka aha i muri i ngā whakawhitiwhiti kōrero?

Ina kati ngā whakawhitiwhiti kōrero, ka kohia ngā whakaaro katoa ka whiriwhiria. Ka tukuna e mātau he whakarāpopototanga o ngā whakaaro ka kohia.

Ka whakamahia e Te Kaitiaki Take Kōwhiri ngā whakaaro hei āwhina ki te hanga i ngā ture me ngā tukanga mō te toro ki te Pūtea.  Mā tēnei āhuatanga ka whaitake ō whakaaro ki te āhua o tā mātau hoahoa me te whakarato i te Pūtea.

Ina huakina te Pūtea ki ngā kaitono, ka pānuitia e Te Kaitiaki Take Kōwhiri te Pūtea, ā, ka whakaurua mai tētahi rōpū whiriwhiri o ngā tohunga hei whiriwhiri me te whakatau i ngā tono.

I muri i te pōtitanga whānui whai ake, ka arotakengia te whaitake o te pūtea kia kitea ai mēnā ka taea te whakapai ake.

Ngā patai rangahau

Back to top